Til medlemmer av Førde Industri og Næringssamskipnad (FINS). Sunnfjord Utvikling AS inviterer oss til arrangementet Folk, fart og framtid – vekstregionen Sunnfjord.
For å forstå kva som er drivarane for veksten vi opplever i Sunnfjordregionen og korleis vi best kan utnytte mogelegheitene framover, har Sunnfjord Utvikling AS fått utarbeidd ei Nærings- og ringverknadsanalyse for Sunnfjord. Arbeidet er blitt den mest omfattande analysen av aktivitetsnivået i Sunnfjord nokon gong, og no er rapporten klar.
Vi håpar du vil delta på lanseringa i Sunnfjordsalen på Scandic Sunnfjord Hotel, fredag 25. mars klokka 9.00 – 12.00. Der vil vi få presentert spennande synspunkt på moglegheitene for næringslivet i Sunnfjord framover, diskusjon om samarbeidet i regionen og interessante meiningsutvekslingar i panelsamtale med folk frå ulike næringar.
I løpet av denne fredagsformiddagen vil du få:
- Innsikt – kva drivkrefter for investering og vekst har vi i Sunnfjord?
- Eit lokalt perspektiv på globale trendar
- Høyre om utfordringane som krev samarbeid
- Ein debatt om behovet for innovasjon, næringsattraktivitet og folk
Håpar å sjå deg der, vel møtt!
Klikk her for å melde deg på: Ja takk, eg vil vere med.