Førde Industri- og Næringssamskipnad

Nær 40 personar deltok på eit svært godt besøkt årsmøte i Førde Industri og Næringssamskipnad på Rica Sunnfjord Hotel og Spa onsdag 18.april. Ordførararne i Førde og Naustdal, formannskapsmedlemer frå Førde og utsendingar frå kollega-foreninga i Florø var også mellom gjestene. Trond Valaker vart attvald som leiar, og fekk med seg Geir Opseth frå Hellenes as, som ny styremedlem. Attvald til styret vart også Bodil KidøyLunde og Øyvind Berge. Dei andre i styret som ikkje var på val er Leif Arne Åsen og Roy StianFarsund.
Årsmøte vedtok også å auke kontingenten for medlemsverksemder med 10 – 50 tilsette frå 3.000 til 4.000 kroner. Sameleis ein auke for verksemder med over 50 tilsette frå kr.4.500 til kr.6.000. Minstesatsen på kr.1.500 for verksemder med under 10 tilsette vart ikkje endra.
Etter årsmøtet fekk dei frammøtte ei oppdatering om gruvesaka i Vevring frå direktør i Nordic Mining, Ivar S. Fossum. Direktør oCoop Vest,Geir Espe hold også eit foredrag om korleis Coop arbeider i sin region.

Last ned årsmelding 2011 (PDF)

Frukostmøtet 14. mars

Nær 40 medlemar hadde møtt fram til frukostmøte på Rica Sunnfjord Hotel og Spa onsdag 14 mars. Leiar Trond Valaker ga ei kort oppsumering av saker samskipnaden arbeider med.(Sjå saka om INU midlar). Pål Fidjestøl er nytilsett kultursjef i Sparebankstiftinga Sogn og Fjordane, og informerte om stiftinga. Siste tema var Førdepakken, oresentert av samskipnaden sin mann i styret der, John Helge Lunde.

INU styret har innstilt på at det ver løyvd ein halv million til forprosjektet for Førde Storhall. Dette er ei sak foreninga med Øyvind Berge i spissen har jobba med i fleire år. Trond Valaker sa at det første som skal skje no er at det vert sett saman eit godt prosjektstyre med folk frå næringslivet, kommunen og idretten i Førde. Det er også viktig at Førde kommune startar arbeidet med å finne, og regulere ei tomt.
FISN er engasjert i mange saker, ei av dei er nye vegløysingar i og omkring Førde, den sokalla Førdepakken. Foreninga har god kontakt med næringslivet i Flora og Bremanger gjennom paraplyorganisasjonen Sunnfjord Næringsråd. Her er Leif Arne Åsen leiar, og Reidar Sandal er dagleg leiar. Det er teke kontakt med Terje Søreide i Høyanger Næringsutvikling for å få til eit møte med dei, og formålet er det samme her. Skape kontakt og utvikle samarbeid i næringslivet i fylket.
For nokre veker sidan tok samskipnaden initiativ til eit samrådingsmøte mellom styret og formannskapet i Førde for å diskutere næringsutvikling i Førde og Sunnfjord.

Pål Fidjestøl

Då han fekk jobben som kultursjef i Sparebankstiftinga Sogn og Fjordane kjende han det litt som han hadde vunne prinsessa og halve kongeriket. Pål Fidjestøl meiner det er ein stor og viktig jobb å forvalte gåvemidlane i stiftinga, som i fjor var på ca 12 millionar. Med god forvaltning trur stiftinga at gåvemidlane vil vekse monaleg dei neste 5 – 10 åra, og dei skal brukast innanfor stikkorda ”Verdiskaping for mangfald, trivsel og utvikling”.  Idrett, kulturliv, nærmiljø og kunst er alle mottakarar av gåver, men det er ingenting i vegen for at næringsliv kan søkje. Det kan gjevast gåver til næringsverksemd, men ein må då i søknaden avklare evt overskot slik at dette også går til noko almennyttig. Gaver til dette formålet kan ikkje vere konkurransevridande.

Fidjestøl sin presentasjon kan du sjå her

John Helge Lunde

John Helge Lunde er innvald i styret for selskapet Førdepakken AS, som vart formelt skipa 2.mars 2012. Førde kommune eig 44% av aksjane, medan nabokommunane Naustdal, Gaular og Jølster eig 10% kvar. Næringslivet i Førde har også slutta opp om skipinga, og eig dei resterande 26% av aksjane. Førdepakken AS skal vere eit pådrivarselskap for å få løyst vegspørsmål i og omkring Førde. Oddvar Flæte, tidlegare fylkesmann i Sogn og Fjordane er styreleiar.